Djinoe ka meunang Abu Syiek Sufi. Di Pidie Raya untuk Bupati. That seunang hate jiwa bersemi. Banmandum rakyat para petani.
Meunan chiet bagoe njang pula campli. Ureung ek u gle yak pula kupi. Banmandum rakyat seunang sekali. Abu Syiek Sufi jeut keu Bupati.
Ureung meulaot sideh di pasi. Njang nibak ungkot mita raseuki. Seunang that hate jiwa bersemi. Abu Syiek jinoe jeut keu Bupati.
Talakee doa bak sidroe Rabbi. Beu sihat tuboh Abu Syiek Geubrie. Geupimpin Pidie ngon jiwa suci. Beusanggop mandum geutunai janji.
Abang Fadhlullah seubagoe waki. Akan geubantu Abu Syiek Sufi. Keu mandum rakyat beugeupeurati. Bekna njang beda meuaneuk tiri.
Di Aceh Pidie na kota Sigli. Di sinan teudong kanto Bupati. Semoga aman Tuhan bak Neubrie. Watee dilantik Abu Syiek Sufi.
Seureng neupeugah dalam orasi. Bahkan barosa dalam khanduri. Bukon di rakyat atra Bupati. Abu Syiek Sufi rakyat miliki.
Bukon ulama atra Bupati. Tapi Bupati ulama awasi. Meunan peuneugah Abu Syiek Sufi. Seureng tadeungo meuulang kali.
Hana njang talo lam kompetisi. Mandum pemenang ngon jiwa suci. Namun sebatas keu reposisi. Njan hanjeut keu hai masa transisi.
Abu Syik Sufi jeulaih neujanji. Banmandum rakyat sama posisi. Hana istilah na aneuk tiri. Peusaboh hate peusama misi.
Loen cukop yakin hana njang sangsi. Meutuah pie Abu Syiek Sufi. Ku'eh geuh hana sifeut teupuji. Jeut tanjoe kaloen akan teubukti.
Pujoe keu Allah syuko keu Rabbi. Djinoe ka meunang Abu Syiek Sufi. Beugeupeusaboh cuco sehati. Pidie beumaju beutroh ban janji.
Di langet manjang bintang meuriti. Seumeulhoh nanggroe peupeungeuh negri. Cukop that lagak indah han sakri. Karonya Tuhan wajeb syukuri.
Etnoe taintat Abu Syik Sufi. Tinggai peusaheh ateuh kurusi. Amanah Tuhan bangku Bupati. Wajeb peutimang bek khianati.
Neubrie ya Allah Ilahi Rabbi. Tuhan njang ade njang maha suci. Pidie meusigrak seujahtra Neubrie. Lam pemerintahan Abu Syik Sufi.
Tahniah, Abu Syik !!!
Penulis :Tgk. Bukhari (ABU HAULA)
Baca Juga Berita lainnya :
Posting Komentar